عذراً منكم...الذين لا يفهمون كلامي...أو ينتقدوه ...أعلم أن كتاباتي..فوق المستوى المطلوب...أعلم أن معظم ما أقوله ...غير مفهوم..لا لأنني لا أعرف الكتابة....بل لان إتقاني لها...والبعد بيني وبينكم..وبين كتاباتي ..وعقولكم...يفوق...التصور.

11/18/2011

أمسية شعرية 3

ب: ازرقِّت السما...وسطعت الشمس...وتفتحت زهور الكون..وتعطرت أجواء القلب بعطر...المحبة...حب...وعشق...وبسمة أمل...محفورة...عدروب التاريخ...
ع:  ازرقت السماء لتحميك من الحسد وسطعت الشمس بنورك وتفتحت الزهور بطلتك البهية وتعطرت قلوب العشاق بعطر كلامك وبسمة الامل انحفرت على درب التاريخ ببسمتك البريئة الحنونة
ب : يمكن السما تحميني من العين...ويمكن الشمس تغيب لما طل..هيدا منو غرور...بس هيك الشعر...بزين الدني بحروف..عشاق...عم تتمخطر بسمتهم... عحافة القمر..وبيقطف...من جنة الأمل وردة..لتنزرع بقلب..كل مين بيعشق الشعر
ع:  لقطفلك وردات الدرب وجمعهن باقة باقة بعدين شو عم تعملي على الحفة عندي نزالي احسن ما بللغ الدرك حرامية
ب : وانا لحفرك وردة عقلبك..وخليها تزين دربك...بس انا هيك بحب الحفة...عشان وقت اللزوم.. احمل ..الشوك..وكبوا من فوق لتحت...
ع: يلي حفرت وردة على قلبي وزينتي فيها دربي اعلنت بالشعر عليكي حربي
ب : بيوم التحدي كنت أدو..ورح ضل ...مهما ضاعت حروف هون وهون...رح إعلن حربي..وحتى لو ما كسبت التحدي..بفرح..لان رح يكون أحلى تحدي
ع:  على قلبي وردة حفرتيها بعطرك الفواح عطرتيها وبجمالك وحنيتك زينتيها
ب :  بصعوبة حفرتها عدروب قلبك..بس ما حسيت بيوم بتعب..لأنو إلك فيها بهجة عيد..وضحكة أمل
ع:  انتي بصعوبة حفرتيها ورقة وحنية عطيتيها لانك بصدق ووفا شتغلتيها على شان هيك ما حسيت بتعب فيها وبهجة العيد انت بتحليها وضحكة الامل انت بتزينها
ب : صدق القلب والوفى حلو علي..من بعد..ما طالت الغيبة..وضاع حلمي بين ايديي...شكيت بيوم..وبكيت..بس الشعر رجعني لهون..وخلى الكون يحكي فيي..وترجع بهجة العيد..والحنية تهل..مع كل طلة قمر..بالليل..ونور الشمس بالضحكة مزينة..متل الصبح..بعبير الندى...وعطر الزهر...الي بوجود الاحبة..تعطرت...كل الدني...
ع:  معدن قلبك الصدق والوفا العاشق على قلبك الحنون غفا علي لاجلك احلى الكلمات اصطفا شعرك كلو حنية ودفا لولاك كان شعري انطفا
ب :  روحك انت ..فيها من الحنان والصدق أطنان...وقلبك لي عم يتمخطر فوق الكلمات...زينتو بوردة ..ودفيتو بنظرة من عيونك الغزلان...هيك الدني...أمل من هون..وحب وحنان من هون...وروح روحك...ووردة من القمر الك..رح ترجع..للدني..أحلى شاعر بالكون كلو..
ع: انت الحنان بروحك لا نجد لها ارقام .ومعك يحلو الشعر والكلام .شاعرة وعاشقة وانشالله الى الامام.كلماتك ترقص جذلا من الغرام .انت اجمل من الوردة لكن ستبقى مزروعة في قلبي في كل الايام.
ب : هالكلام كلو روعة...ومعاني أجمل ما توصف...يمكن انا بملك الحرف...وزينت دروبي باحلى كلماتي...يمكن بيوم قسيت..يمكن بيوم بكيت...يمكن بيوم تألم روحي...وتألم قلبي...هيك الدني..
وعد من قلبي للدني....اني ما رح اترك الحرف...ولا رح انسى الكلمة...رح زين دروب العشق بكلامي...وازرع بجنة العشاق ...أحلى ورد
ع:  انشالله بعد الان ما بتشوفي الم.انت الدواء لكل جرح وكلم.عندما تكتيبين كلامك الجميل يرقص جذلا القلم.
ب :  يا رب يديم الفرح...كل يوم...ونحكي بكتب تاريخنا...قصة الشتوي..وقصة ماضي...رح انسى ..وافتح قلبي...وعيش الدني..بحلوا..ما في بعد اليوم..ألم...ما في بعد اليوم..ضحكة مخبية وراها دمعة..بعد اليوم حروفي رح تزين الدرب..وتنرفع حروفها حتى عالقمر...

ليست هناك تعليقات: