ضلوع المحبة

يا عطر الورد احكي حياتي...

وامزج بلون الورد احلامي...

مرت سنين..وضاعت الضحكة..

وغابت روح القلب بين العتمة...

شاء القدر..جمعني بانسان..

بقلبو في جبل حنييّ...

يمكن هيك القدر شاء..

وبشكر ربي على النعمة...

كان اكثر من صديق...

مسح بمنديل كلامو دموعي..

وكتب عقلبي حروف حب...

ورسم بالوان المحبة..

بسمة..وزرع بقلبها وردة..

لتزهر وتكبر مع الايام...

وليقطفها بعد سنين ...

فرحة...بتملأ الكون...

كنت قبلو اشكي لحالي..

وابكي من سوء حالي..

ما كنت اعرف انو القلب..

بيوم...رح تصير الدمعة ...

بالقلب ضايعة...وبالعين لامعة..

ما كنت حس بيوم..

انو الفرح بالكون موجود..

الا لما كان كلامو مزروع..

بين ضلوع المحبة..والروح..

ما كنت اعرف انو انا...

رح كون بعد اليوم....

قلب حنون...يملك ..كلمة عشق..

مش اي عشق..

عشق الحرف للصفحات..

لي كلّى تحدي...

انا من بعد اليوم..ما فيّ اشكروا..

الا بكلامي..وبحروفي بهدي سلامي..

يمكن ما وفيت ..

قد الوفى صعب ..يكون بعد اليوم..

كتابة...