ب:عندما يأتيك التحدي على طبق من فضة...فتفرح...وتحمل حروفك.... وتنادي القلم...فتعلن الافراح...فلا تجعل ذاك التحدي بلا روح..فالروح فيك..والروح فيّ...وما أجمل ذاك التحدي..
ع: حلو التحدي مع روح رياضية،وهيدا الروح فيكي وفييه،انشالله بوجودك احلى امسية شعرية،وخسارتك رح تكون على ادايية.
ب: الروح خلقت بالشعر ببسمة وردة ووزعت عطورها بين وراق التحدي...وكل حرف بيحمل على كتافو...الفوز ...والخسارة مش رح تكون الي...بيمضى الوقت... ومنشوف
ع: قالتلي بيمضى الوقت ومنشوف ،وخسارتك رح تكون عالمكشوف،والنصر رح يكون الى الكلمات والحروف،وبس خسرك ما تتحججي انو كان عندك ظروف.
ب: مين قال انو عندي ظروف..اليوم النشاط زايرني ...وسكن بالروح...والشعر عالدرب سهران مع القمر...والنجوم...ما بعتقد..انو الليلة ما رح تكون حلوة وعالمكشوف
ع: الليلة حلوة يا بتول بوجودك،وانت الزينة بجنينة ورودك،وما بعرف اذا الشعر ورثانيتو عن جدودك.
ب: والله ولا مخرة سألت...بس الشعر عندي متل حبة المي..إن عطش قلبي بسقي...من دمع حروفي بروي...الشعر عندي...متل بسمة طفل...والليلة ..أحلى ليلة بوجدك انت..بساحة الدروب
ع: يسلملي قلبك شو حنون وحبوب،وبوجدك بتنور ساحات لدروب،لولاك انا كان شعري راح منوب
ب: رجعنا للشكر من جديد...كم مرة قلتك الشعر لصحابو بعود...وبنور وراق القصايد حروف...كم مرة قلتلك...ان ما بيوم اجتمع شاعر...مع انسان...الا وجمع الحروف بجملة...وسهروا الليالي مع القمر..والنجوم....حتى تكون الحروف من أحلى دروب الشعر
ع: انا قصدي كان شعري عم بصدي ،بس انت شعرك شجعني،انا عاشق التحدي،رح يندم شعرك لانو رجعني.
ب: ما رح يندم...انا واثقة بشعري...وبحروف التحدي...وطالما اني الثقة مزينة الاوراق..ما بخاف بيوم..اخسر حرف من حروفي
ع: الحروف بتضلها متل ما هيية،انا بحب الجلسات القوية،وما بتحلى هيك سهرات،الا معك يا بنيية.
ب: الشعر معك بيحلى كل ليلة...وهالجلسات خلقت الك وللحروف ...وصارت كل يوم تشتاق تحضن حروفك..وليت حروف الشعر بتمون
ع: القلم يرقص جذلا بين انامللك وكفوفك،ويا ما احلى كلماتك وحروفك،وكلماتي وشعري ليوم ضيوفك،
ب: قلمي ينام بين احضان الاوراق سجوداً لكلماتي...والشعر وقف بين أولوف الناس يحكي عني...وحروفك اليوم زايرة عندي...يا هلا يا هلا بحروف التحدي
ع: انشالله للقلم نوم الهنا،بما اننو فوزي دنا،رح يندم بس خسرك انا.هههه هههه
ب: ما بعمروا ندم...بس كل شخص تحداني ندم...وانا قد الشعر...وما بيوم وقف عند نقطة ببحر الشعر
ع: شعرك وكلماتك حلوين،بس لتحديتهم طلعوا بالشعر مساكين،بس هلق اجا مين يقلب ويغير الموازين.
ب: يا حرام...لا تقلي انو حروفي هربت لما شافت حروفك...هالشي...من وراق الفكر شيلو...وانت بتعرف مين بكون...لما الشعر يكون بالقلب موجود
ع: بالتحدي ما بيهمني مين ما كنتي تكوني،بنصحك تستسلمي لانو خسارتك محتومة،وحروفي بالنصر والجمال مزيوني،وبكلماتي الحلوين هيي مغرومة.
ب: ما بعمري رفعت الراية البيضاء..وما بيوم رح فكر ارفعها...الشعر خلق الي...والحروف كلها معي...لبيك يا بتول
ع: هيهات مننا الذلة لا لن نهزم
ب: لا لا نقهر...وحملت شعري بيميني وانا المنصورة بإذن الله..
ع: الشعر ما خلق اللك لحالك،خلق الكل على شان خسر امثالك،صار لازم تستسلمي وتغيري كل اقوالك،
ب: انت مين عم تتحدى..عم تتحداني ام تتحدى شعري....والشعر في دفاتري..كالذهب بين اليدين...والقلم..بين أناملي...كالفضة على الجبين...أما أوراقي...فهي كنز ثمين...فلا تتحداني أكثر...لانك...لن تصل...الى ثروتي الشعرية
ع: بتول بشعرك لا تنغري،على شان بالخسارة رح تنضري،ومهما يكون شعرك ما رح يقدرلي،
ب: موضوعنا مش قصة ربح او خسارة...وما بيوم كان الغرور عنواني...دوما كان الابداع يحكي عني...وعن فني..الي ما بيوم ضاع خسارة
ع: جلستنا خلصت ليوم يا بتول،وكان فيها روح رياضية،انشالله منعمل جلسات على طول،وبتكون كلها تحدي وحنية،
ب: خلصت خلصت....وان شاء الله بتدوم...كل ليلة شعرية وانت بخير
